ماحاديت جمال درجتهن ياعشوق
لي زيارة الحبيب احمد المعشوق
لومي ليهو طااااااااااااااال الشوق
**************************
ندعوك يارحيم رحمن حليم وشفوق
ياواجب القدم حاشا مو مسبوق
عبدك ياكريم حل قيده الموثوق
يصل لي الحبيب سيد المخلوق
*************************
ثنيت بالرسول الهاشمي العدنان
من نخبة قريش فهر ومضر وكنان
ممدوح في الزبور توراة والقرآن
ذو رفعة ومهابة وحسن خلق كان
***************************
ميلادو الرسول خمسين ربيع يازميل
عمانا السرور والشرك بيهوووو ازيل
مربوع القامة لي الطول كان يميل
اتي غير درن ابيض دهين وكحيل
***************************
نبياً للضعاف والمساكين يرحم
يكفل لليتيم وبالوالدين ارحم
بي وجهو الصبوح زال كل الهم
مسو للجروح والعلل مرهم
*************************
ان مر بالفلا تخاطبو الاشجار
ظلاه الغمام يبراهو وين ما سار
يأمر بالعدل حاشاهو قط ماجار
في كفو الشريف سبحو الاحجار
**************************
نبياً للمرسلين والأنبياء امام
قايم الليل يوت وبالنهار صوام
لي زيارتو الحبيب يازيد متي الاقدام
برا كان جو او سير علي الاقدام
**************************
اصحاب الرسول لبسو الجلالة وشاح
نصرو الدين صحيح بالنفس والارواح
في بدر وحنين هاااااااانو للاشباح
ارضو ربهم سرو للمصبااااااااااح
**************************
الليلة البريق قبلي رف ولاح
طراني الحبيب الابلج الوضاح
باكي العين يوت ليلي ثم صباح
غير ليمو الحبيب مافي لي نصاح
****************************
الصلاة والسلام غير عدد وحصور
الصلاة والسلام لي حسين الصور
حافظ الروي بيك يكون منصور
يسلم من هموم وكل شر مسطور
*****************************
الخميس 29/6/2017
بقلم :حافظ الشيخ
موضوع: ما حاديت جمال 
