في نسمة الليل العليل
قوم يازميل يازميل
اسمعنا امداح الجميل
*******************
ياكاشف الضر النزل وياشافي الجسم العليل
اشفيني والاخوان جميع من كل داء يارب عضيل
اجعلني للطاعات مديم عن حب نبيك قط لا اميل
********************
ثنيت بي خير الوري الهادي ذو الطرف الكحيل
يوم القيامة وهولها يوم الجميع للخير تميل
تلقي الامان بي دعوتك في حوضك تشرب تقيل
*********************
يوم وضعو احتفل الملا والحور واملاك الجليل
اسيا والعذراء البتول لي امو جات يا زميل
والكون شروقو مع الغروب اضاء من خدو الاسيل
********************
يالقايم الليل في الظلام لي ربك خاضع ذليل
يالبي مسيسك جبر الكسر وتفلك للاسقام يزيل
يالليك انشق القمر انا في حماك واقع نزيل
********************
قدرك يفوق لي كل رفيع من كرام الاقوام سليل
لي ليمك الاوراح تحن وايضا الدمعات تسيل
متي بي رؤياك افوز يابسلم القلب العليل
********************
ياخير الرسل الكرام وياصفوة الباري الجليل
ياشافع الهول والزحام وبالعصاة ايضا كفيل
اجعلني والاخوان معاك في ظل ظليل
*******************
البريق بالليل دوام لي نوم عيني شيل
شغل البال والفكر منو صار جسمي نحيل
يابهجة الروح والفؤاد يوم اشوف طرفو الكحيل
*******************
صليت ماهمع السحاب وماجري في الأرض سيل
او ما خلق باري الانام وما قام ذاكر في كل ليل
الحافظ فيك تكل الحمل كون ليهو هادي ودليل
*********************
بقلم حافظ الشيخ البشير محمد المبشر المكاشفي
الأربعاء 4/7/2018