يابشير الخير

يابشير الخير يا بشير الخير
ناوي ليك اسير
كل مناي زورتك لو بيدي اطير
********************
مولاي يارحمن ياسميع وبصير
يانافي للانداد ماف معاك وزير
ليك يامولاي بعلن التقصير
اجرني والاخوان من لظي وسعير
**********************
بثني بالمختار احمد وسيلة الخير
حبيب الله الدخري لينا خبير
حبو في قلبي اوقد ليهب النير
متي يامولاي لي مدينتو اسير
*********************
يامريد امرق امشي ليهو وسير
في مسيدو هناك تلقي خير وفير
بشيرنا ابوالهمال الذكرو حالي عطير
منبع الخيرات الجودو كالاكسير
*********************
الراكع السجاد قومو بيها يسير
منهج السادات كونو ليها خبير
نظرتو بتفرج لكل عسير
تفلو للمسقوم والكسير يجبر
********************
وارث القيمان غوث لكل زمان
خليفة الجيلي والمكاشفي كمان
كفه العطاي مابصد عشمان
لي اليتيم يكفل باقي ليهو امان
********************
الشريف وعفيف حاشا ماهو لفيف
فارسا مابخاف هادي طبعو اليف
فيهو هيبة الكرار ان قدل بالسيف
يرهب الفراس من لقاه تحيف
*******************
اسمه الخبار للدسيس يعرف
من علوم الغيب ينهل ويغرف
يرشد الاقوام ليها هو يصرف
الكريم علاه وخصاه بالتشريف
**********************
البريق بالليل خلي دمعي يسيل
اسكر القلب واسهرني جوف الليل
لي بشير الخير ناوي قوم ياخليل
ياكريم تم لي وفي مسيدو اقيل
************************
الصلاة وتسليم لي وسيلة الخير
احمد المعصوم ود قصي وفهر
حافظ الولهان بيك يروم تيسير
وجملة الاخوان لا يشوفو عسير
***********************
بقلم حافظ الشيخ
المخميس 8/3/2018
الذكري السنوية الثانية لرحيل ابونا الشيخ البشير