يانسايم الشوق فوحي
اشجيني ثم وروحي
عن قلبي كل ما يروحي
************
يانفسي هيمي تموحي
كالعود حنى ونوحي
بي مديح كنزي ومربحي
اطربي العشاق وروحي
************
فوق ملجاي كاب الدائحي
بسبك وأثنى مدائحي
يا خلي خذ مني نصائحي
فاز من ليهو نادي وصائحي
**************
ياسيدي انا ليك نايحي
اشواقك ماليه جوانحي
ليت لي منك موانحي
بيها تزكوا روائحي
***********
يا ذو العقل الراجحي
فقت الرسل بيها مرجحي
رأيت ربك بالقلب ثم جوارحي
ما ملت لا ولا متأرجحي
************
يوم أسرى وعرج ليلا سابحي
غاب قوسين دنيت مسبحي
ادم ياسيدي بيك مسامحي
نال الزلفي بيك والخطأ محي
*************
يالخلقك جميل ومُسمّحي
يا الهداك لي خُلقي مُسمِحي
يامن لي المسيئ مسامحي
انا في جنابك عير متسامحي
*************
أنا ليك تهفوا جوانحي
لكن ريشي مجنحي
مولاي زيل سوانحي
عن حب نبيك لا اجنحي
***********
يانفسي لا تتبجحي
ليس عندك ما ينجحي
فوق نبيك حملك جرجحي
بيهو بتفوزي كفك يرجحي
************
براقو لاح لي جارحي
من تالو احي جوارحي
خلاني تايه بل سارحي
متين اقوم له مارحي
*************
صل ياقديم يافاتحي
لي من لي الجنان فاتحي
حافظ يكون بابك له فاتحي
آلو وأصحابو عليهم افتحي
*************
حافظ الشيخ
السبت 10/10/2020