والي لي امداحو

والي لي امداحو وانظم الاشعار في زاتو
اطرب العشاق بي سيرتو أعظم أخلاقو وصفاتو
بيهو طاب نحس الزمن طاهر الذات والبدن
فيهو هيم ياخلي هيم وردد لي صلاتو
**********************
القلوب الليك رايدة دوام تغني
اضناها شوقك ياحبيبي وبي رؤياك تمنى
عيونا الديمة زارفة عن سؤال حالها يغني
برضو ساهرة في هواك والغرام ليها يضني
متين ياحبيبي متين تزورها وليها تُدني
**********************
بالعشق زينت  قلبي  وهمت في طيب المعاني
اردد الامداح بين صحابي واترك العشاق في تفاني
تطرب العشاق مدايحي  من جميل فني واعذب الحاني
لا وصل قدرك مديحي ولا وصف حسنك بناني
************************
العظيم عندالله بل وكمان حبيبو
مصيرو يشفع لينا من حر ام لهيبو
يمحي اوزارنا العلينا ويستر كل عيبو
ليك راجي واياك تاجي وكيفن اخبيو
***********************
صليت عليهو بلا نهاية والسلام عندو يوصل
يصباه في ضريحو مادار ليل أو صبح أقبل
حافظ امداحو ديمة فيك يا سيدي تقبل
جملة المداح معاهو وكل من ليك عظم وبجل
*********************
حافظ الشيخ
الاثنين 25/1/20‪21