الليلة زاد بي شوق

الليلة زاد بي شوق
لي سوح نيبك سيدي الشفوق
********
مولاي يامن هو فوق
راحم عبادو بيهم شفوق
نافي المكان نافي العروق
سبحانو عالي قبل الخلوق 
**********
ثنيت بي سيدي الشفوق
القدرو سامي وعالي فوق
فاق الرسل جمعا غير لحوق
الفي جبو كان والمرفوع لي فوق
**********
ميلادو عم النور شَرُوق
ضوّ الغرب ثم الشروق
زال الشرك زال الفسوق
لولاه كنا على حنوق
*********
من آيو هاك ياعشوق
رد الشمس بعد الغسوق
الجذع قالو انا ليك عشوق
ما بطيق بعدي عنك مابروق
************
ناير محيو خافي البروق
اسيل ابلج ثقرو فروق
ريحوا فاق مسكا عبوق
بدعاهو المزنِ سح ودفوق
************
كريم عطاي كفو نفوق
والمرسلات عرفا يفوق
كم بارك لي الكان محوق
والزاد على الآلاف يحوق
************
الأديب المهذب والخلوق
حالي الشيم سيد الخلوق
يردف ربيعو ومره يسوق
لطيف طبعو وحالي ذوق
*************
مولاي ليك عبدا ابوق
مالكاهو النفس كيفن يفوق
راجيك تفتح ليهو الغلوق
ذمرة نبيك بيهم لحوق
**************
صلواتي يوت تحلو وتذوق
لي سيدي الفطن الحذوق
حافظ دوام ليك  عشوق
في حوضك يرشف يذوق
***********
حافظ الشيخ
الاثنين 7/12/2020‪