ابشرو يامريدين بي بشير القوم

ابشرو يامريدين بي بشير القوم
الكريم الاصلو جده المعصوم
********************
يا غافرا  ورحوم
رازق الخلق بطن المشيم ورحوم
منك راجي  العون المدد  بالكوم
الحق الاقوام التركو حالي النوم
********************
ثاني  الامداح  بالنبي  المعصوم
خاتم  الرسل  والد   ام كلثوم
يوم ضجيج الهول والخلق مهموم
بشرانا بالشفاع لي حمولنا لزوم
********************
صحبه الفراس ركبو لي المجلوم
سيوفهم  مضيات تقطع الحلقوم
النصر  هيلم  قط  مابيهابو  اللوم
في سبيل الله سامو روحم سوم
*******************
نعمة هو الاستاذ نعمة ريس القوم
نعمة هو مربينا بي حمولنا  يقوم
اسمه  الخبار   يعـــرف  المكــتوم
يصفح ويدرج حاشا قط ما بلوم
*******************
يامريد  ابشر  امشي  ليهو  وقوم
في مسيدو هناك تلقى حولو القوم
بي نظرتو بتسعد تنسى كل  هموم
كونو ربو حباه اعطاهو كل ما يروم
********************
أرشد العاصي  الكان  صنعتو  اللوم
والي  لي  الأذكار  الصلاة   والصوم
في بهيم الليل قط ما بيعرف النوم
انسه  الرحمن  العلي  القيوم
*******************
في الصلاح فايق وارث المعصوم
الحضرة  ريسها بي  أمرها يقوم
حكمه الصادر علي الرجال عموم
الخالفو ندمان  قايمتو ما  تقوم
******************
الكرم  والجود  هيلو  هو  ياقوم
والفراسة كمان والتقوى ليها لزوم
وارث الجيلي بل مكاشفي القوم
والمكاشفي أحمد ليهو ساقي علوم
******************
مثله  نادر  في  المضي  واليوم
كفه النديان  بالعطاء  موسوم
ينفق التبر ليهو العشاما  تؤم
بابه  فاتح  ما  انقفل  لليوم
******************
الزاهد  الورع  بالشرع  محكوم
للنفس مالك ماشبع  في لحوم
لينا هو يراعي فوقنا ديمة يحوم
يدرك الصايح  يلفي لي المهموم
******************
حافظ ابنك قال فيك جاب منظوم
راجيي منك الفيض يشرب المختوم
كونو عاشم  فيك  اصلو انت رقوم
قول لي يا حويفظ نلت كل ماتروم
*******************
صل مولانا لي النبي المعصوم
والد الزهراء زينب وأم كلثوم
أكرم اخواني بيها جمله عموم
والدتي  مريم وبنتها ام كلثوم
********************
حافظ الشيخ البشير
الاربعاء 17/2/202‪1
الذكري السنوية الخامسة