النسيم بالشوق قتلنا

النسيم  بالشوق  قتلنا
بالحنين  تزرف  مقلنا
***************
يانسيم  جيب  لي  ريحو
من رحيق روضة ضريحو
بيها اشفي قلبي الجريحو
جملة أحبابنا وأهلنا
***************
ثاني بي  الفاق  ابيهو
أحمد المعدوم  شبيهو
بشرانا يا أمه  بيهو
في الجنان طفنا ودخلنا
***************
يوم ميلادو خير الأيامي
بي  قدوم  القدرو  سامي
سحب الخير صب هامي
وضح طريقنا نور سبلنا
***************
لى الرسول ياخلي صلى
لي الهموم  اترك   وخلي
لي ظلام   قلبك   تجلي
بيها عنك الران  غسلنا
****************
ظاهر الحسن والوجاهه
حسنو فاق ذو الوجاهه
نوره الألباب سباها
شاغل أفكارنا وعقلنا
*************
ليهو جات الايك تسعى
وناح  لي ليمو جزع 
حيات غرامك لي لاسعة
كيف الاحباب عملنا
*************
قدرك العالي الفخيم
فقت نوح  والكليم
قلبك الحاني ورحيم
آمنن روعاتنا وجلنا
**************
يلا يا الإخوان  سوية
للرسول ماحي الاسية
نيران غرامك لسه حية
ما بتموت غير عندك نزلنا
**************
النسيم  فوح  عبيرو
جابلي ريحو العطيرو
في القلب ولع سعيرو
ليهو  يامولاي  تصلنا
**************
صلى  ياعالم  الخوافي
لي الرسول المثلو مافي
حافظ القال قلبو  جافي
بالرسول تجمع  شملنا
**************
حافظ الشيخ
الاثنين التاسع من ذي الحجة ١٤٤٢
المواقف 19/7/202‪1