نعمة القامو في الأسحار

نعمة القامو في الأسحار
ذكرو الله  مريدهم  سار
شاااااااااقووووووووني
يامولاي  فراقهم   حار

يامولاي عبيدك صار
رافع كفو ليك محتار
ارفع قومو في الأسحار
يلحق بالسادة الأخيار

ثاني القول بأبن نذار
أحمد   صفوة  الأبرار
شفاعنا   يوم   نحتار
بي  كفو   صد    النار

نعمة أصحابه الأخيار
ناس صديق صديق الغار
عمر  عثمان  لقاهم  حار
الكرار لي المشركين  بتار

حافظ  جاب لو  نماتو
فوق   السادة   ابواتو
راجيكم ضوو ساحاتو
يصير كالسادة   ابواتو

ديل الاحياء ما ماتو
ديل الاحيو لي الماتو
ديل   المثلهم    فاتو
الليل  احيو  ساعاتو

ديل  المثلهم     مافي
ديل الليهم ولا  تجافي
ديل  اليعرفو   الخافي
ديل    المسهم   شافي

ديل الأرضو لي المولى
ديل   اليحكمو   الدولة
ديل    الحبهم      أولى
أهل الخودة    والصولة

ديل الاحيو لي دجاهم
ديل   العظيم     جاهم
لي    فزعة     الناجاهم
سريع ختو في حجاهم

ديل الباعو  لي  نفوسهم
ديل   اليضوي  فانوسهم
ديل البيين شهير عوسهم
يسقوك صافي مدسوسهم


ديل اليعطو للمحتاج
ديل  الدرجو  الأعرج
ديل  القومو  المعوج
قوم ياخلي ليهم حج

ديل القامو في الأسحار
ديل    الجالسو  المختار
ديل   الينجدو   المحتار
ديل القوم  فراقهم حار

ديل الليهم نظم   غنيت
ديل الحضرة  ليهم  بيت
في سوحم نزلت  وجيت
عندهم  نلت  ما  اتمنيت

ديل الضاوية  انوارم
ديل  العالي   مقدارم
ديل الخافية أسرارم
ديل اليسعدو  الزارم

ديل   العندهم     سر  كن
ديل الصافية خاتية   لكُن
ديل   الشافهم       يرطن
عجيمة  لغوتو أُن أُن  كُن

ديل الجاهم عظيم وشهير
ديل  الرمشهم ديمة  سهير
ديل   الينفقو   غير   تغتير
ناس مكاشفي وبشيرالخير

ديل       السرهم   مكنوز
ديل أهل العزم أهل الفوز
ديل أهل الليل اهل الحوز
ناس الجيلي وابن عجوز

ديل   الليهم ولا   تعاتر
ديل     السيفهم     باتر
احذرهم     فيا   مشاتر
سهامهم ما بصدها ساتر

بروق أهل  القيام   لمعت
ولي   معشوقهم  صرعت
عيوني باكية يوت دمعت
بالشوق والغرام  صدحت

يا  حافظ     ارجع     توب
يوت صلى على  المحبوب
الو  الليهم   ات    منسوب 
بيهم  امنك  يوم  مرعوب



حافظ الشيخ
الخميس 17/6/202‪1