زنة العرش وملئ الأرض
للنبي آلاف صلاة تعرض
**************
ياعالم بما في الأرض
والسموات طول وعرض
استرنا في يوم العرض
وفقنا نوفي الفرض
واقرضنا احسن قرض
**************
قول يافاهي لا تعرض
مدايحك للعشوق أعرض
في نبيك شافع العرض
هز بي يداك وأعرض
في الدنيا ويوم العرض
*****************
يوم ميلادو مروي صحيح
أتى مختون نقي ومسيح(مدهون)
جاتو الحور وأم مسيح
سحب الخير صب سحيح
غاض النهر والكان فسيح
*****************
طاهر جسمو وجهو اغر
أقام الدين بالعدل أمر
حالي العشرة ماهو أشر
كم كم لي المسيئ غفر
والأملاك في خلفو غفر
*****************
ربع القامة طرفو كحيل
ازج وادعج كمان ونجيل
ابيض لونو خدو اسيل
مثل الليل شعرو رجيل
هادي الطبع ماهو رفيل
****************
من أيو الظل لم يبراه
وبي مسو العلل ابري
بي نورو اتلقت إبرة
العود ناح اخد عبرة
لي ليمو صح خبرا
****************
جاز العلا لي ربو دني
كغاب قوسين أو أدنى
شاف مولانا ماجدنا
سألوا الأمان لنا
ومن سوء يؤمننا
**************
صحابتو الراكبين الخيل
حاملين سنين يشيل
رقابا طايلة راسا ثقيل
خلو عروقا دماها تسيل
والبز لعبو بيها شليل
****************
لاح لي البريق ياخليل
نحو نبيك آخر الليل
منو القلب صار عليل
لي متين ياشفيع الويل
تقبلني ولي تقيل
**************
صلواتا تفوق النيل
والأفلاك في كل ليل
من عبدا قطيع وذليل
حافظ يا ذو التبجيل
يضوي كما القنديل
*************
حافظ الشيخ
أمسية الأربعاء 19/5/2021