عسف النسام فاح شذاهو
من ضريح الهادي ورُباهو
*******************
ياكــــريم عبدك طال نواهو
بالغرام والشوق باطنو حشاهو
واقفا بي الباب طال رَجاهو
طامعا في رضاك عفوك رِجاهو
*******************
سائلك مولاي بالفاق اباهو
العظيم عندك وعز جاهو
من الاسقام اجعل شفاهو
وأُبعثاً في الهول تحت لواهو
*******************
بمدح المختار بأعلى حسي
يطرب العشاق نغمي وجرسي
بيهو طاب فعلى وطاب غرسي
لولاهو يا إخوان حالي يرسي
*******************
مذ هل في الكون شخصو طلّا
ربوا في الـدارين ليهو علاّ
زال ملك كسرى وعهدو ولّي
بهـــجة الـدارين نلـناها والله
*******************
الرفيع قدرو فضلو ظاهر
العظيم اصلو نسبو فاخر
فيا عاشقو بي حبو فاخر
اياهو يوم الهول ليك ناصر
******************
رحمة المخلوق كنز العشاما
حبو جاب الفور برنو وشاما
الوضع مختون فوقو شامة
الدينو ناسخ دين الرشاما
******************
منه فاح الطيب ريقوا حالي
الأُجـــــــــاج بيهو صار حالي
هــذا يا الـــريحــان ارتجـالي
في شفــيع يوما حـرو قــالي
*******************
جــودو فــاق الجــاري ماها
والعارضات أيضا في سماها
جــاز العـلا جمعا قـد رقاها
بي عينو شاف الباري البراها
******************
مثلو ياعشاق مافي مافي
نوره البدرين خافي خافي
كم يتيم مسكين ليهو كافي
والمريض مسو كان يعافي
******************
البريق بالليل من رُباهو
لوع المشتاق نور ضياهو
الغرام والشوق قد صلاهو
َما عليهو لوم لو حكاهو
******************
الصـــلاة وتســــليم كل لحظة
بيــــها يالمخـــتار نرجو لحظة
حافظ بن الشيخ خيرا يحظى
نظرتك في النوم او حتى يقظة
*******************
حافظ الشيخ
22/9/2021 الاربعاء
موضوع: عسف النسام فاح شذاهو 
