انا مرضاااااان شفاي ودواي شوفة العدنان

انا مامرضاااااااااااااااااااااان
شفاي ودواي شوفة العدنان
ياقووووووووووووووووم
*********************
بسم الله بديت بيك يارحمن
يازارق الكل انس والجان
عبدك ياكريم فيك عشمان
رضاك وعفوك وسكونو جنان
*********************
بثني الاوزان بي سيد حسان
نبينا الفاق كل النبيان
خاتم الرسل ذو الاحسان
لو لاه لاكون لاحور لا جنان
**********************
ميلادو الخير كالغيث هتان
الكون انار واصبح فرحان
زال الشرك وهدم الاوثان
وقوم الكفر اصابا جنان
*********************
تعال يا اخوي بوريك برهان
الحاب الخير لاشك في امان
بي حبو نبينا عظيم الشان
افرح وامرح وهز نشوان
********************
يانبي الخير انا بيك ولهان
متيم بالشوق قلبي الهيمان
لي زيارتو ناوي اقوم كل آن
في الروضة اقيم وانيل امان
***********************
اياتو كثار من غير حسبان
جبر المكسور واشفي المرضان
العين والجزع ونخيل سلمان
نطقلو الضب كذا الجدران
***********************
براقا لاح من جيهة ام اركان
حرق بالشوق قلبي العشقان
ناوي اقوم اجفي الاوطان
لي سيد فاروق وعلي وعثمان
************************
بعد النبت ورمل القيزان
صلواتي كثار لي سيد
عدنان
حافظ في حماك من شر وهوان
وبشير الخير يلقابا جنان
************************

بقلم :حافظ الشيخ
الخميس 16/2/2017