طال بعدي عنك

طال بعدي عنك متي ياحبيب تزورنا
متين اوصل ديارك واحكيهو شوقنا
***************************
ياقلبي حبك في نبيك زايد
في خاتم الرسل الفاق الندايد
أعياك البعاد وليك الذنب  قايد
والشوق في حشاك نيرانو قايد
**************************
اذا القيام  لي طيبة ورباها
أتوجه مقام نورا وضياها
الروح تسعد  تبلغ  مناها
وتلثم تراب حامي حماها
*************************
دا المن الهو دايما خشوعو
بالليل قايم  اسبل  دموعو
منه المسك فايح والطيب يضوعو
و ليهو البدر  طايع أظهر  خضوعو
************************
مابنجفي نجهو مهما حيينا
بنتبع هداهو بيهو  إلتجينا
بنهوي   آلو  اهل  الخزينة
سفن النجاة  لي السالكينا
*********************
طابت حياتنا بيك يانبينا
افضل امه بيك صرنا وبقينا
بيك افتخرنا وهازات يدينا
اه لو تزورنا وتتكرم تجينا
********************
غاية منانا واسعد أيامنا
حين نوصل مدينتك وننصب خيامنا
نبل فيها شوقنا ونروي هيامنا
نروي مديحنا ويدور  مٌدامنا
*********************
يانسيم بالله  احمل سلامي
لطاهر الذات وطيب الاسامي
قول ليهو عاشقك ناوي القيامي
جود ياكريم وامحالو الملامي
**********************
حافظ نظم فيك جايب مديحو
آلاف صلاتو عليك  يامليحو
قول لو مرحب يابنٌ الذبيحو
تقبلني  بيها  وتستر  قبيحو
**********************
السبت 9/4/2022
الموافق 8 رمضان
الساعة الرابعة والنصف صباحا