يلاك ياعاشق ننظم قصيدو
كي بشفاعتو نفوز يوم الوعيدُ
******************
قول في الختامي
مبري السقامي
خير الانامي
نوالي صلاتو
ونعيد قصيدو
********
نطرب عشقو
نشعل لي شوقو
بأدب وذوقو
لي خمرة هواهو
نرشف نذوقو
*********
هاك من معجزاتو
احيا الرفاتو
جابر وشاتو
والفي الذنوب مالي
بيك كانت نجاتو
*********
حلو العشيرة
طاهر السريرة
كاشف العسيرة
لولاهو ماكنا
شافع المُحٍير
*********
كيف ما اريدو
سيد كل سيدُ
يُعطي ثريدُ
انا فيهو طامع
يمدد لي ايدو
*********
مدحك ديمة زادي
وعليك اعتمادي
اكرم لي وهادي
بيك حياتي تطيب
ويطيب معادي
********
فاح نسام ضريحو
اسبت قلبي ريحو
منها بقيت جريحو
انا غير زيارتو نبينا
كيف استريحو
********
صلاة وتسليم جزيلو
عد مافي البر ونيلو
ما شال واثمر نخيلو
حافظ عليك اقسم
لي حملو شيلو
************
حافظ الشيخ
الاحد 26/5/2019