فرحي وا فرحي
بي زيارة الخير قلبي منشرح
بيهو زاد فرحي
***************
ربي زيد فرحي
لي حبيبك يوت سوي لي مرحي
صدري ينشرحي
فيهو زي حسان اليكون شرحي
****************
علي لي صرحي
قيلو اهمالي واشفي لي جرحي
أملأ لي قدحي
ولليتامي كمان راحتَيْ ادحي
*****************
المديح انظم
فوق نبيك يازيد الخلقه أعظم
مدحو رب الكون ليهو فخم وعظم
بعد ذا ياخوي اوع لا تكظم
*******************
دع اولي الجهل
امدح نبي الخيرات صافي النهل
بي مديح حالي فيضو منبهل
دار علي العشاق يشفي للعلل
***********************
اولا بادي
ادنو ياعشاق اسمعو افادي
حبي لي المختار عدتي وزادي
داخرو يوم الهول حين يجي رقادي
**********************
طه محبوبنا
خاتم الأرسال ماحي لي ذنوبنا
حبو غايتنا وشوفتو مطلوبنا
حبذا لو كان في الصبح وغروبنا
************************
مالنا مأوي
غيرك وقلوبنا والله ما بتهوي
حبك زادنا وقوتنا بيهو نتقوي
في الجحيم لولاهو جت نهوي
**********************
الحسن غايتو
الجلال والعز فيك هو نهايتو
الحلم واللين شيمتو وآيتو
بالرعب منصور في الحرب رايتو
***********************
جل باريهو
في الكمال رقاه ماف من يدانيهو
في بساط الانس قربو ومدنيهو
ليهو مهما رام الحبيب فهو معطيهو
************************
بيهو طال باعنا
بي مديحو كمان فقنا ارباعنا
مابنخاف من شي نحن وأتباعنا
ولي عدونا يمين فهو مدفاعنا
***********************
كيف لا نفخر
بي نبي الرحمات النوره أبهر
لظلام الشرك والحق هو أظهر
فخر اجدادو فيهو بتبطبر
**********************
جيتك زاير
ياوسيلة الخير والفكر حاير
الذوب عايقه والزرع باير
لي اقبل وغيث يالوجنك ناير
*********************
ياعشوق هيمو
بالرسول يابر متين يكون ليمو
ليهو اعطف وجود لو بتكليمو
والنظر يالخير ليك هو يديمو
*******************
البريق ضربو
في الفؤاد سهمو معلنا حربو
للعشوق قتال ايضا فريد ضربو
اكرمو مولاي بالسكن قربو
***********************
الصلاة مادام
علاك ياحي والسلام اردام
حافظ بن الشيخ ليك يكون خدام
من العدا وابليس في حماك قدام
************************
الحمدلله الذي من علينا بزيارة حبيبه اللهم ادمها علينا كرات ومرات
حافظ الشيخ
11\6\2022