قلبي اعيالو
الغرام والشوق ليك قتالو
يالمعظم فيك آمالو
ربي جل علاك نافي امثالو
نافي الشريك والند ذا محالو
ليك عبيدا خاب سعيه وافعالو
حسن ظنو فيك وزرو تمحالو
ثاني الامداح وايضا اقوالو
بنبي الخيرات الطيبه هوخصالو
قولو ديمه الحق ربو اوحالو
كان يظلو الغيم حلو وترحالو
يوم ميلادو النور بق شعالو
بيهو نار الكون والضلال زالو
ليهو الملائكة تزور بالفرح مالو
ابليس باكي صاح والتراب كالو
بدر حسنك فاق البدر في كمالو
والشمس من نورك نورها افالو
ربي ما سوي قط مثلك قالو
بالشفاعة الكبري والقرب خصالو
قرن اسمو باسمو كل ما قالو
في الخمسة اشهدٌ يا انذالو
بالعين ثم القلب رأي لفعالو
هذا الذي ياقوم موسي ما نالو
بالدعج والكحلة موصوفة امقالو
زي سواد الليل شعرو يارجالو
اسيل الخد مورد حاجبو كهلالو
في جبينو النور والبروق لالو
فيهو قال حسان كلما يحلالو
حرفو قاصر دون بديع جمالو
ليهو رب الكون كل ما همالو
اعطاه حاشا ما ودعو وغَلالو
ليهو حن الصيد والنفور يعنالو
البعير والظبية والجذع حنالو
جابر احيا أبناه والطعام نمالو
القطيع بي مسو والسقيم يبرالو
البرق اخر الليل صوب انبالو
كم عشوق ياقوم بالقتل انبالو
طرفو جافي النوم هكذا حالو
اعتراه نحول والوصول فالو
صلى ياذا الجود حي وفعالو
لي نبيك يابر صحبه والو
حافظ بن الشيخ علق آمالو
فيك يالمدخور جملة احمالو
حافظ الشيخ
17/7/2022 الاحد
جدة
موضوع: قلبي اعيالو 
