انا مرضان شفاي ودواي

انا مامرضاااااااااااااااااااااان
شفاي ودواي شوفة العدنان
ياقووووووووووووووووم
*********************
بسم الله بديت بيك يارحمن
يازارق الكل انس والجان
عبدك ياحي فيك يوت عشمان
رضاك وعفوك وسكونو جنان
*********************
بثني الاوزان بي سيد حسان
نبينا الفاق كل النبيان
خاتم الرسل ذو الاحسان
لولاه لاكون لاحور لا جنان
**********************
ميلادو الخير كالغيث هتان
الكون انار واصبح فرحان
زال الإشرك هدم الأوثان
وقوم الكفر اصابا جنان
*********************
تعال يا اخوي بوريك برهان
الحاب الخير لاشك في امان
بي حبو نبينا عظيم الشان
افرح وامرح وهز نشوان
********************
يانبي الخير انا بيك ولهان
مليان بالشوق قلبي الهيمان
لي زيارتو بدور أنا في كل آن
في الروضة اقيم وانيل امان
***********************
اياتو كثار من غير حسبان
جبر المكسور واشفي المرضان
العين والجذع ونخيل سلمان
نطقلو الضب وكذا الجدران
***********************
براقا لاح جيهة ام اركان
حرق بالشوق قلبي العشقان
ناويلو اقوم اجفي الاوطان
لي سيد فاروق وعلي عثمان
************************
بي عد ذرات رمل القيزان
صلواتي تسير لي ود عدنان
حافظ في حماك من شر وهوان
وبشير الخير يلقابا جنان
************************

بقلم :حافظ الشيخ
الخميس 16/2/2017