الليلة وا شوقي
للمختار معشوقي
***********
ياناس متي مروحي
لي سيد قلبي سيد روحي
للصدرو مشروحي
طال شوقي زاد نوحي
*************
اوصلو في الروضة
واصلي النفل والفرض
ان شاء الله بي يرضي
شفاعنا في العرض
*************
بين الروضة والمنبر
يفوح الطيب والعنبر
ديك الحجرة لي تظهر
تزيد دماعي تتدفر
*************
الجلسة ما اغلاها
حول القبة واحلاها
بي صلاتو نتباها
تزيل لذنوبنا تمحاها
************
للبيقيع ياخلي ودينا
نزور لي صحبو هادينا
ال البيت طوف بينا
حمزة وعثمان جود لينا
***********
نزور لي احد ونتفكر
تلك المواقف نتذكر
للحبو فينا اتحكر
والصحابة الكلهم ندر
************
يانسيم بالله جيب لي
ارياحو الطيبة وزكية
سيد روحي وعيني
من فرقو وا حي
************
ياحافظ خلي هواك
واتذكر الراجياك
املت في دنياك
واهملت لي اخراك
************
صل يالهنا بارينا
لي الهادي دخرينا
يوم الخلوق حزينا
هو شفاعنا منجينا
**************
الجمعة 25/1/2019